Dosier

Libri në të cilin shkruan se ditëlindja e Adem Jasharit nuk është më 28 nëntor

Libri në të cilin shkruan se ditëlindja e Adem Jasharit nuk është më 28 nëntor
19 gusht 2018 • 07 : 53

Lexo detajet

Një postim i Nexhmedin Spahiut se, sipas tij, Adem Jashari ka lindur më 10 tetor 1955, e jo me 28 nëntor, ka ngjallur shumë reagime në rrjete sociale.

Në një libër të shkollës teknike në Mitrovicës, komandanti Adem Jashari është në listën e atyre që kanë vijuar mësimet në këtë shkollë. Datëlindja e tij nuk përkon me datën që festohet ditëlindja e tij, më 28 nëntor.

Në këtë libër të shkruar nga profesori Fazli Hajrizi, në lidhje me statistikat e Shkollës Teknike të Mitrovicës, thuhet se Adem Jashari është regjistruar në vitin shkollor 1972/73 dhe se ai ka lindur më 10 tetor 1955.

Pyetjes së Nexhmedin Spahiut se kush është ai që i falsifikoi ditëlindjen Adem Jasharit, iu ka përgjigjur kryetari i Skenderajt, Bekim Jashari, që është nip i komandantit legjendar.

Për ta demantuar Nexhmedin Spahiun, Bekim Jashari ka përdorur një çertifikatë të vdekjes së Adem Jasharit, e cila mbanë datën e lëshimit 13 dhjetor 2005, e ku ceket se i ndjeri ka lindur më 28 nëntor 1955.

Image

© zëri.info