Kolumbia kërkon përsëritjen e suksesit
Kolumbia ishte njëra prej befasive të Botërorit të kaluar, ku kishte arritur deri në çerekfinale. Kolumbianët ishin paraqitur mjaft mirë në “Brazil 2014”, ndërsa u eliminuan pikërisht nga vendi nikoqir. Ekipi i Jose Pekerman shpreson që përsëri të arrijë lart në kompeticionin më të madh të futbollit në botë, shkruan sot, gazeta “Zëri”.
Kolumbia ka krijuar një ekip mjaft të mirë viteve të fundit dhe ishte njëra prej befasive në Botërorin e kaluar. Paraqitjet e mira kishin bërë që kolumbianët të arrinin deri në fazën çerekfinale, ku ishin mposhtur nga vendi nikoqir, Brazili. Kjo ishte arritja e tyre më e madhe gjatë pesë paraqitjeve të tyre në Kupën e Botës. Ekipi i Jose Pekerman shpreson që me lojën e saj të mirë të arrijë sa më lart në “Rusia 2018”. Grupi në të cilin bën pjesë Kolumbia është mjaft i baraspeshuar, por James Rodriguez me shokë shihen si favoritët kryesorë për të zënë pozitën e parë, krahas ekipeve si Japonia, Polonia dhe Senegali.
Ylli i ekipit
Fituesi i “Këpucës së Artë” në Botërorin e vitit 2014, James Rodriguez, shpreson që të shënojë dhe të asistojë sa më shimë në “Rusia 2018”. Momentalisht i huazuar te Bayern Munichu, mesfushori klithe fituar dy Kupa të Botës së Klubeve me Real Madridin.
Shpresat
Në udhëtim te lideri i grupit në kualifikimet e zonës së Amerikës Jugore, Brazilit, Radamel Falcao realizoi një gol të rëndësishëm për t’ia siguruar kombëtares së tij një pikë të vlefshme dhe për të siguruar kualifikimin në Kupën e Botës.
Trajneri
Strategu argjentinas Jose Pekerman ka qenë në krye të ekipit të Kolumbisë që prej vitit 2012 dhe i ka kualifikuar ata në dy Kupa të Botës radhazi për herë të parë që prej vitit 1990. Ai kishte drejtuar shtetin e tij në “Gjermania 2006” para se ta drejtojë Kolumbinë në Brazil verën e vitin 2014. Pokerman ka fituar tre tituj të Kupës së Botës U-21 me Argjentinën./Zëri
Historia e Kolumbisë në Botërorë
Pjesëmarrja e parë në Botëror: 1962
Pjesëmarrja e fundit në Botëror: 2014
Arritja më e madhe: Çerekfinalja, 2014
Faza e parë: 5 paraqitje
Gjysmëfinale: 0 paraqitje
Finale: 0 paraqitje
Tituj: 0
Renditja në FIFA: 16
Lista e Kolumbisë
Portierë: David Ospina, Camilo Vargas, Jose Fernando Cuadrado.
Mbrojtës: Cristian Zapata, Davinson Sanchez, Santiago Arias, Oscar Murillo, Frank Fabra, Johan Mojica, Yerry Mina.
Mesfushorë: Wilmar Barrios, Carlos Sanchez, Jefferson Lerma, Jose Izquierdo, James Rodriguez, Abel Aguilar, Mateus Uribe, Juan Fernando Quintero, Juan Guillermo Cuadrado.
Sulmues: Radamel Falcao, Miguel Borja, Carlos Bacca, Luis Muriel.
Trajner: Jose Pekerman
Grupi H
Ndeshjet e Kolumbisë
19 qershor
14:00 Kolumbia – Japonia
24 qershor
20:00 Polonia – Kolumbia
28 qershor
16:00 Senegali – Kolumbia