Bolton: Moska të shqyrtojë vendimin për dërgimin e S-300 për Sirinë
Ai tha se shpresonte që Rusia të rishqyrtojë këtë vendim, raporton Reuters Këshilltari i Sigurisë Kombëtare i SHBA’së John Bolton tha sot se planet e Rusisë për të furnizuar Sirinë me sistemin raketor ajror S-300 është një “eskalim domethënës” i Moskës.
Ministri rus i Mbrojtjes Sergei Shoygu tha sot se forcat e armatosura siriane do të marrin një sistem modern të mbrojtjes raketore S-300 brenda dy javësh.
“Ai është në gjendje të kapë mjete për një goditje ajrore në një rreth më shumë se 250 kilometra dhe në të njëjtën kohë të godasë disa objektiva ajrore”, tha ai.
Sipas tij, Rusia është e detyruar të marrë masat e duhura për të përmirësuar sigurinë e ushtrisë ruse në Siri, duke iu referuar rrëzimit të një aeroplani rus në Siri, për të cilin Moska e konsideron përgjegjës forcat ajrore izraelite.
