Bota

Rastet me fruth arrijnë rekord në Evropë

Rastet me fruth arrijnë rekord në Evropë
20 gusht 2018 • 16 : 44

Lexo detajet

Më shumë se 41.000 fëmijë dhe të rritur janë infektuar me fruth në gjashtë muajt e parë të 2018, duke çuar në 37 vdekje.

Sipas Organizatës Botërore të Shëndetësisë (OBSH), rastet e fruthit kanë shënuar një rekord në Evropë.

Në Francë, Gjeorgji, Itali, Rusi, Serbi dhe Ukrainë, janë shënuar mbi 1000 infeksione të fëmijëve dhe të rriturve këtë vit. Derisa Ukraina ka shkallën më të lartë të fruthit në Evropë, me më shumë se 23,000 njerëz të prekur.

LEXO EDHE: Rreth 800 mijë persona janë zhvendosur nga vërshimet katastrofike në Indi

Vdekjet që vijnë nga ky infeksion janë raportuar nga të gjitha vendet e lartcekura, derisa në Serbi raportohet se numri i të vdekurve është 14. Krahasuar me vitet paraprake, këtë vit numri i të infektuarve është rritur shumë. Në 2017 kishte 23.927 raste të infektimit, ndërsa në vitin 2016 u regjistruan 5.273.

Organizata Botërore e Shëndetësisë u bënë thirrje vendeve evropiane që të ndërmarrin masa, pasi ekspertët thonë se rritja e infeksioneve lidhet me rënien e numrit të njerëzve që vaksinohen.

© zëri.info