Një person iu vë flakën dy të pastrehëve

Bota July 23, 2018 - 20:28
Detajet

Dy të pastrehë kanë pësuar lëndime të rënda trupore në Berlin të Gjermanisë, pasi që një i panjohur iu ka hedhur lënde djegëse përmbi trup dhe iu ka vënë flakën atyre, njofton The Independent.

Policia është në kërkim të dyshuarit rreth këtij incidenti që ndodhi të dielën pas mesnatës, në afërsi të stacionit të trenit Schöneweide në Berlin.

Viktimat ishin meshkuj, njëri i moshës 47 vjeçare dhe tjetri i moshës 62 vjeçare.

Kalimtarët e rastit kishin arritur që ta fikun zjarrin, duke  përdorur bucela për fikjen e zjarrit që i kishin marrë në një dyqan në afërsi të stacionit, transmeton Klan Kosova. Përpara se ata të dërgoheshin për trajtim mjekësor në spital, ambulanca kishte mbërritur tek vendi i ngjarjes për të intervenuar.

Në qytetin e Berlinit jetojnë rreth 10.000 persona të pastrehë dhe kohët e fundit disa prej tyre bëhen cak i sulmuesve nëpër rrugë.

Në korrik të vitit 2017 një djaloshit 21 vjeçar iu caktua masa e burgimit prej dy vjet e nëntë muaj, pasi që ai kishte ndezur një zjarr pranë kokës së 37 vjeçarit të pastrehë, që ishte duke fjetur në stacionin e trenit në Kreuzberg.