Melania Trump bën një vizitë surprizë në qendrat e trajtimit të fëmijëve emigrantë
Zonja e Parë e Shteteve të Bashkuara, Melania Trump ka vizituar të enjten zonën e qendrave të ndalimit në kufi në Teksas, ku po mbahen fëmijët e ndarë nga prindërit e tyre.
Zonja Trump, presioni i së cilës ka qenë faktor në vendimin e presidentit amerikan, Donald Trump për të nënshkruar urdhërin që mban së bashku familjet, është larguar nga Shtëpia e Bardhë të enjten në mëngjes për të vizituar Teksasin.
“Ivanka ndjehet shumë e fuqishme, gruaja ime ndjehet shumë e fuqishme, unë ndjehem shumë i fuqishëm për këtë. Mendoj se çdokush që ka zemër do të ndihej i fuqishëm. Nuk duam të shohim familje të ndara”, ka thënë Trump të mërkurën, sipas REL.
Udhëtimi në Teksas ka qenë shfaqja më e dukshme që ka bërë zonja Trump, prej kur ka kryer operacionin e saj në veshkë më 14 maj.
