Bota

Alarm për bombë afër selisë së shenjtë në Vatikan

Alarm për bombë afër selisë së shenjtë në Vatikan
23 maj 2018 • 16 : 16

Një alarm për bombë në një bankë në afërsi të selisë së shenjtë ka alarmuar forcat e sigurisë.

Një bankë pranë Vatikanit është evakuuar mëngjesin e kësaj të mërkure, pas një sinjalizimi anonim për praninë e një bombe në godinë.

Oficerë të shumtë të policisë romake rrethuan rrugën që të çon në Sheshin e Shën Pjetrit, ndërsa telefonata mendohet të jetë bërë nga një grua.

Gjatë kohës që është dhënë alarmi, Papa Françesku mbante një fjalim të përjavshëm përpara besimtarëve të krishterë, vetëm pak metra larg vendit ku u ngrit alarmi për bombë.

Megjithatë, nga kërkimet e bëra në zonë, policia deklaroi për mediat se nuk është gjetur asnjë pajisje e rrezikshme.

© zëri.info