Ish ministri britanik: Sulmet ndaj Sirisë janë po aq të ligjshme si ato në Kosovë

Lordi John Morris nga Aberavoni, një ish-ministër i Punës në qeverinë e Tony Blair, i cili ka miratuar bombardimet mbi caqet serbe në Kosovë, ka sugjeruar se sulmet ajrore mbi Sirinë janë të ligjshme.

Kjo deklaratë vjen pasi kryeministrja britanike Theresa May do të përballet me pyetje nga deputetët, ndërkohë që partitë e opozitës pohojnë se ata duhet të ishin konsultuar.

Lordi Morris tha se sulmi në Siri ishte "gjerësisht në të njëjtën bazë ligjore" si fushata 68-ditore e NATO-s në Kosovë në vitin 1999, transmeton zeri.info

Ai tha se bombardimet ishin përgjigje për shkak të "një fatkeqësie të madhe humanitare" në ish-Jugosllavi.

Vendet e dyshuara të armëve kimike pranë Damaskut dhe Homs u goditën nga forcat amerikane, britanike dhe franceze të shtunën në përgjigje të sulmit të dyshuar kimik në Douma më 7 prill.

Siria, e cila mohon çdo përdorim kimik, dhe Rusia, e cila siguron mbështetje ushtarake ndaj qeverisë siriane, kanë reaguar me zemërim ndaj veprimit.

Zyrtarët e lartë Laburist duke përfshirë edhe udhëheqësin e partisë Jeremy Corbyn kanë vënë në pikëpyetje ligjshmërinë e sulmeve, por ministri i parë i Punës nga Uellsi, Carwyn Jones ofroi mbështetjen e tij "për çdo ndërhyrje që mund të parandalojë një mizori të mëtejshme".

Lordi Morris tha: "Meqenëse unë si një Prokurori i Përgjithshëm i cili i dha autoritetin ligjor 68 ditëve të bombardimeve në Kosovë në vitin 1999 për arsye se ishte një fatkeqësi e madhe humanitare, unë po respektoja ligjin bazuar në atë që e kishin bërë paraardhësit e mi në Irak (Lufta e parë e Gjirit) dhe për kurdët dhe arabët, raporton BBC.

"Veprimet e Qeverisë janë gjerësisht në të njëjtën bazë ligjore", shtoi ai.

"Në kohën e Kosovës, thashë se nuk mund të ketë një siguri ligjore për veprimet tona, por kam qenë i kënaqur që ka pasur një argument që forcat tona të veprojnë në mënyrë të sigurt”. "Nëntë vende të tjera të NATO-s bënë të njëjtën gjë dhe ne ishim të gjithë të paditur nga ish-Jugosllavia(Serbia) në Gjykatën Ndërkombëtare në Hagë, ku isha këshilltar kryesor për Mbretërinë e Bashkuar.  "Për keqardhje të thellë, gjykata nuk ka marrë vendim për qëndrimin ligjor"./Zeri