Bota

Një stuhi e acartë godet SHBA-të

Një stuhi e acartë godet SHBA-të
15 prill 2018 • 21 : 14

Lexo detajet

Qindra fluturime janë anuluar, ndërsa autostradat janë mbuluar nga akulli në disa shtete amerikane, teksa një stuhi vdekjeprurëse ka goditur pjesën qendrore të Shteteve të Bashkuara, nga brigjet e Gjirit të Meksikës e deri në liqenet veriore, duke sjellë borë, erëra të forta, reshje shiu dhe breshër.
Në Aeroportin ndërkombëtar “Sent Poll” aeroplanët kanë qëndruar në tokë, pasi stuhia e borës e bëri tejet të vështirë mbajtjen pastër të pistës, ndërsa aeroplanët ishin të mbuluar nga shtresa akulli e bore.


Afro 470 fluturime u anuluan, përpara se njëra prej pistave të hapej për pak kohë pas orës 22:00 të mbrëmjes, tha një zëdhënës i aeroportit.

Image


Autoritetet mbyllën disa autostrada në jugperëndim të Minesotës, ku u këshillua të mos lëvizej, ndërsa kushtet për drejtim të automjeteve u bënë tejet të vështira edhe në pjesën jugore të shtetit.

Image


Shërbimi Kombëtar i Motit parashikoi mbi 51 cm borë në pjesën jugore të këtij shteti, përfshi Miniepëllisin dhe Sent Pllin, gjatë kësaj të diele.

Image


Mot i ngjashëm në këtë pjesë të vendit pritet të vijojë edhe gjatë ditëve në vazhdim.

 

© zëri.info