Siri, sulme ajrore të Izraelit afër Damaskut
Bota
February 07, 2018 - 09:04
Armata e Sirisë thotë se aeroplanët luftarakë të Izraelit sot kanë hedhur raketa kundër një pozicioni ushtarak afër Damaskut, nga hapësira ajrore e Libanit.
Në deklaratën e transmetuar në Televizionin shtetëror të Sirisë, këto sulme janë përshkruar si “agresion i ri izraelit”, pa dhënë detaje të tjera.
Nuk ka pasur komente të menjëhershme nga Izraeli për këtë raport.
Kjo është hera e dytë që forcat e presidentit të Sirisë, Bashar al-Assad, e akuzojnë Izraelin për sulme ajrore në më pak se një muaj.