Nga ndeshja e helikopterit dhe aeroplanit, katër të vdekur në Gjermani

Bota January 23, 2018 - 17:54


Katër vetë janë vrarë sot kur një aeroplan i vogël është ndeshur me një helikopter në pjesën jugperëndimore të Gjermanisë, ka thënë policia.

Ndeshja ka ndodhur në hapësirën ajrore mbi qytetin Filipsburg, afër kufirit me Francën, ka thënë një zëdhënës i policisë gjermane, duke shpjeguar se nuk ka informacione nëse ka më tepër viktima.

Shkaku i ndeshjes mbetet i paqartë dhe terreni ku kanë rënë fluturaket, është bllokuar nga policia.

Ndeshjen në ajër ndërmjet fluturakeve janë të rralla. Në një rast të vitit 2002 në Gjermani, një aeroplan transportuees e ka goditur një aeroplan të udhëtarëve, duke i vrarë dhjetëra njerëz, raporton agjencia AFP nga Berlini.