May akuzon Putinin për ndërhyrje në zgjedhje

Duke iu drejtuar figurave kryesore të biznesit në një banket në Londër kryeministrja tha se qeveria e Vladimir Putinit po përpiqej t’i “minonte shoqëritë e lira”.

Zonja May tha se kan[ të bëjnë me “sajim të historive të rreme” për të “mbjellë mosmarrëveshje në Perëndim”.

Por, shtoi ajo, ndërsa Britania e Madhe nuk dëshiron “konfrontim të përhershëm” me Rusinë, ajo do t'i mbrojë interesat e saj.

Komentet e saj janë në kontrast të thellë me ato të presidentit të SHBA-së, Donald Trump, i cili javën e kaluar tha se besonte në mohimin e presidentit Putin për ndërhyrje në zgjedhjet presidenciale të vitit 2016, transmeton "Zëri" shkrimin e BBC-së.

Në një fjalim të rëndësishëm të politikës së jashtme në banketin e kryetarit të Bashkisë në Guildhall të Londrës, të cilin z. May e përshkroi si një “mesazh shumë të thjeshtë” për presidentin Putin, ajo tha se ai duhet të zgjedhë “rrugë të ndryshme” nga ajo që kishte parë vitet e fundit. Moska aneksoi Krimenë, nxiti konfliktin në Ukrainë dhe filloi sulme kibernetike ndaj qeverive dhe parlamenteve anembanë Evropës.

Rusia mund të jetë një partner i vlefshëm i Perëndimit, por vetëm nëse ajo “luan sipas rregullave”, argumentoi ajo.

“Rusia ka shkelur në mënyrë të përsëritur hapësirën ajrore kombëtare të disa vendeve evropiane dhe ka ngritur një fushatë të vazhdueshme të spiunazhit kibernetik dhe përçarjes. Kjo përfshin përfshirjen në zgjedhje dhe hakimin e Ministrisë daneze të Mbrojtjes dhe Bundestagut midis shumë të tjerave”.

“Ne e dimë se çfarë po bëni dhe ju nuk do të keni sukses, sepse ju nënvlerësoni qëndrueshmërinë e demokracive tona, tërheqjen e vazhdueshme të shoqërive të lira dhe të hapura dhe angazhimin e kombeve perëndimore ndaj aleancave që na lidhin”.

Ajo tha se Britania e Madhe e braktisi BE-në dhe hartoi një kurs të ri në botë, por ajo mbeti absolutisht e përkushtuar ndaj NATO-s dhe sigurimin e një marrëveshjeje Brexit, e cila “forcon vlerat tona liberale”, duke shtuar se një partneritet i fuqishëm ekonomik midis Mbretërisë së Bashkuar dhe BE-së do të ishte një mburojë kundër shqetësimit rus në Evropë. Ka disa vende në Evropë që besojnë se Perëndimi duhet të angazhohet më ngushtë me Rusinë, përcjell "Zeri.Info".

Ata argumentojnë se Bashkimi Evropian dhe Shtetet e Bashkuara duhet ta kuptojnë më mirë pikëpamjen e Rusisë, besimin e saj se është kërcënuar nga të gjitha anët.

Dhe duhet bërë më shumë për ta përshtatur këtë ndjesi të cenueshmërisë, duke zbutur qasjen e NATO-s dhe duke reduktuar sanksionet.

Sidoqoftë, jo Theresa May. Në një fjalim në SHBA, në shkurt, kryeministrja foli për nevojën e “angazhimit dhe të qenit syçelë” ndaj Rusisë. Ajo beson se presidentit Putin duhet t’i bëhet thirrje për kërcënimin që ajo beson se ai paraqet si në nivel ndërkombëtar ashtu edhe në Britani të Madhe.

Nuk do të tolerohen aktivitetet destabilizuese të Moskës

Komisioni Zgjedhor po heton pretendimet se Rusia e përdori medien sociale në referendumin e Brexit-it. Pra, z. May është e gatshme të angazhohet me Rusinë, ajo do ta dërgojë sekretarin e Jashtëm në Moskë muajin tjetër.

Por ajo gjithashtu dëshiron që Rusia ta dijë se z. Johnson do të shkojë me një mesazh të qartë se aktivitetet destabilizuese të Moskës nuk do të tolerohen më, transmeton "Zëri".

Z. Johnson, i cili do ta bëjë udhëtimin e tij të parë në Rusi qëkur u bë sekretar i Jashtëm në dhjetor, ka thënë se politika e Britanisë së Madhe në Rusi duhet të jetë një “vigjilencë dhe angazhim” pas një dekade të marrëdhënieve të tensionuara.

Ai u tha deputetëve më parë këtë muaj se ai nuk kishte parë ndonjë dëshmi se Rusia është duke u përpjekur të ndërhynte në zgjedhjet britanike apo në referendumin e Brexit-it në 2016, për të cilin Moska ka këmbëngulur se ajo mbetet neutrale.

“Ne do t’i ndërmarrim veprimet e nevojshme për ta luftuar veprimtarinë ruse”, shtoi zonja May.

“Ne nuk duam të kthehemi në Luftën e Ftohtë apo të jemi në një gjendje konfrontimi të përhershëm”.

“Si një anëtar i përhershëm i Këshillit të Sigurimit të OKB-së Rusia ka shtrirjen dhe përgjegjësinë për ta luajtur një rol jetësor në nxitjen e stabilitetit ndërkombëtar.

Rusia mund dhe shpresoj që një ditë do të zgjedhë rrugë të ndryshme, por për aq kohë sa Rusia nuk do të sillet ashtu, ne do të veprojmë së bashku për t’i mbrojtur interesat tona dhe rendin ndërkombëtar në të cilin ata varen”.

Duke iu përgjigjur fjalimit të zonjës May, ish-ministri i kabinetit të Punës, Ben Bradshaw, i cili ka ngritur çështjen e ndërhyrjes së Rusisë në zgjedhjet e Mbretërisë së Bashkuar për gati një vit, shkroi: “Të pyesim përse mund ta pranojmë papritur pranimin e ndërhyrjes së Rusisë pas kaq shumë muajve”.

Aleksei Pushkov, një senator rus i përfshirë në politikën e medies, hodhi poshtë komentet e kryeministres.

“Sistemi ndërkombëtar i rregullave duhet të ruhet jo nga Rusia, por nga avokatët e ndërhyrjes, grushtet e shtetit dhe ndryshimet e regjimit. Rusia nuk do t'i pranojë këto rregulla”, shkroi ai në “Twitter”, përcjell "Zëri".

“Rendi botëror që i përshtatet Mayt me pushtimin e Irakut, luftën në Libi, ngritjen e ISIS-it dhe terrorizmit në Evropë ka pasur ditët e veta. Nuk mund të shpëtoni nga kjo duke sulmuar Rusinë”.

Në fjalimin e z. May ajo gjithashtu tha se autoritetet në Myanmar, të njohur më parë si Burma, duhet të marrin “përgjegjësi të plotë” për atë që “duket si spastrimi etnik” i popullit Rohingya në krahinën Rakhine. /BBC/. /ZËRI/