Sulmohet me bombë një automjet policor në Turqi, 12 të plagosur
Bota
October 17, 2017 - 17:59
Një automjet policor është goditur nga një sulm me bombë në provincën jugore të Turqisë, Mersin, raportojnë mediat turke dhe burimet e sigurisë.
Transmetuesi turk NTV raporton se 12 persona janë plagosur në këtë sulm, transmeton Express.
Kryetari i Mersin, Burhanettin Kocamaz, ka thënë për transmetuesin tjetër, Haberturk, se sulmi ndodhi në rrugën pranë zyrës së guvernatorit vendor. Ai shtoi se automjeti policor ishte në lëvizje në momentin e sulmit.
Një fotografi e publikuar në ueb-sajtin e NTV-s e shfaq tym duke dalë nga kjo zonë, e cila është bllokuar nga policia.
