Policia zvicerane e zbulon identitetin e të dyshuarit të sulmit me sharrë elektrike
Bota
July 24, 2017 - 17:05
Autoritetet zvicerane e kanë identifikuar sulmuesin e dyshuar të sulmit me sharrë elektrike me zinxhir në qytetin Schaffhausen.
Sipas policisë, ai është një 51-vjeçar i cili ka qenë dy herë i dënuar për kundërvajtje me armë.
Ravi Landolt, oficer i policisë, e ka identifikuar sulmuesin si Franz Wrousis.
Prokurori Peter Sticher ka thënë se i dyshuari nuk ka adresë fikse por në të kaluarën ka qenë i regjistruar si banor i shtetit juglindor zviceran, Graubuenden, transmeton Express.
Landolt ka thënë se Wrousis ishte dënuar dy herë deri tani, në vitet 2014 dhe 2016, për kundërvajtje me armë.
Ai nuk ka dhënë shpjegime tjera.
Wrousis është ende në arrati. Ai i plagosi pesë persona në këtë sulm, përfshirë dy rëndë.
