Trump godet mediat prapë, pas dorëheqjes së gazetarëve të CNN-it
Presidenti Donald Trump rifilloi sulmet mbi besueshmërinë e disa organizatave të medias në Shtetet e Bashkuara, pas dorëheqjes së tre gazetarëve të rrjetit CNN, autorë të një lajmi, që më pas CNN-i e tërhoqi për shkak të pasaktësive.
Presidenti Trump shkroi disa herë në Twitter të martën duke kritikuar agjencitë e mediave, pasi CNN-i e tërhoqi një material që e lidhte bashkëpunëtorin e zotit Trump, Anthony Scaramucci me kreun e një fondi investimesh që u raportua gabimisht se menaxhohej nga një bankë e kontrolluar nga qeveria ruse.
Wow, CNN had to retract big story on "Russia," with 3 employees forced to resign. What about all the other phony stories they do? FAKE NEWS!
— Donald J. Trump (@realDonaldTrump) June 27, 2017
So they caught Fake News CNN cold, but what about NBC, CBS & ABC? What about the failing @nytimes & @washingtonpost? They are all Fake News!
— Donald J. Trump (@realDonaldTrump) June 27, 2017
Raporti i CNN-it u publikua në faqen elektronike të kompanisë të enjten dhe u hoq më pas nga faqja të premten.
Autori i këtij materiali, Thomas Frank, redaktori i ekipit investigativ Eric Lichtblau dhe përgjegjësi i njësisë së gazetarëve hetues Lex Haris dhanë sot dorëheqjen.
Një hetim i brendshëm i rrjetit CNN arriti në përfundimin se nuk ishin ndjekur procedurat e duhura redaktuese para se lajmi të publikohej. /voa
