SHBA: Senati e avancon pranimin e Malit të Zi në NATO
Bota
March 28, 2017 - 09:22
Senati i Shteteve të Bashkuara ka votuar me shumicë të madhe të anëtarëve të vet, për ta avancuar miratimin e pranimit të Malit të Zi në NATO.
Mbrëmë vonë, 97 senatorë votuan për, ndërsa vetëm 2 ishin kundër.
Kundër kësaj mase ishin dy senatorët republikanë, Rand Paul dhe Mike Lee.
Me këtë veprim është hapur mundësia e votimit, më vonë këtë javë, për ratifikimin e pranimit të Malit të Zi në NATO.
Votimi final do të mbahet në Dhomën Përfaqësuese të Kongresit të Shteteve të Bashkuara.
Pasi kjo të ndodhë, Spanja mbetet i vetmi shtet anëtar i NATO-s që duhet ta miratoj kërkesën e Malit të Zi për anëtarësim në aleancë.
