Pro dhe kundër dëbimit të refugjatëve në Gjermani

Ministri i Brendshёm i Gjermanisë, Thomas de Maizière, po kёrkon nё Parlament qё tё miratohet njё projektligj i diskutueshёm, i cili parashikon mё shumё dёbime të refugjatёve dhe kontrolle mё tё ashpra tё personave tё ashtuquajtur të „rrezikshëm”.

Opozita ёshtё kundёr kёsaj nisme ligjore.

“Paketa ligjore e debatuar nё leximin e parё nё parlament pёr ashpёrsimin e rregullave tё azilit dhe pёr ndihmat pёr ata qё kthehen vulnetarisht ёshtё njё „kontribut i rёndёsishёm”, tha politikani kristiandemokrat.

Siç raporton dw, kёtё paketё masash koalicioni qeverisёs gjerman e konceptoi pas sulmit nё tregun e Krishtlindjeve qё ndodhi në dhjetor nё Berlin, si pasojё e tё cilit gjetёn vdekjen dymbёdhjetё vetё.

Atentatori me prejardhje nga Tunizia, Anis Amri, paraprakisht kishte rёnё nё sy tё autoriteteve si i rrezikshëm, por atё nuk e kishin dёbuar. Si arsye pёr kёtё u pёrmend mungesa e dokumenteve.

Me ashpёrsimin e ligjeve synohet tё zbatohet mё mirё detyrimi pёr largim i azilkёrkuesve tё refuzuar. Perosnat e rrezikshëm qё janё detyruar tё largohen nga Gjermania mund tё mbikëqyren me ndihmёn e prangёs elektronike nё kёmbё ose nё dallim deri mё sot, mund tё mbahen mё gjatё nё arrest.

Pёr tё huajt qё fshehin identitetin e tyre ose e refuzojnё kthimin, duhet tё kufizohet e drejta e qëndrimit. Pёr pёrcaktimin e identitetit Zyra Federale pёr Migracionin dhe Refugjatёt (BAMF) duhet tё lejohet tё pёrgjojë edhe telefonat mobilë. Po ashtu, duhet tё zgjatet koha e qëndrimit tё refugjatёve nё pikat e pranimit fillestar.

De Maiziere theksoi se zbatimi i rregullores pёr kthimin e azilkёrkesve tё refuzuar ёshtё njё parakusht i rёndёsishёm pёr pranimin e kёtij ligji.

Opozita i konsideron tё ekzagjeruara planet e qeverisё. “Njё dyshim kolektiv ndaj tё arratisurve”, nuk ёshtё konform shtetit tё sё drejtёs dhe ёshtё jodinjitoz”, tha Luise Amts nga Partia ekologjke.

Sipas tё dhёnave tё ministrit de Maizièr, vitin e kaluar janё kthyer rreth 25.000 azilkёrkues tё refuzuar nga Gjermania pёr nё atdheun e tyre. Kёtyre u shtohen edhe 55.000 tё kthyer vullnetarisht. Kjo shёnon njё rritje me 40% krahasuar me vitin 2015. Por, sipas ministrit tё Brendshёm, duhet tё kthehen edhe mё shumё. Deri nё fund tё janarit 2017 nё Gjermani jetonin rreth 213.000 azilkёrkues tё refuzuar, qё e kanё tё detyrueshёm largimin nga vendi.