Hakerët rusë dyshohet se kanë ndërhyrë në New York Times

Bota August 24, 2016 - 17:12

FBI po heton nëse hakerët rusë kanë kryer disa sulme kibernetike kundër gazetës New York Times.

Besohet se inteligjenca ruse mund të jetë prapa sulmeve, të cilat kanë pasur në shënjestër gazetarë individualë, raporton Associated Press.

Hetuesit nuk besojnë se është prekur i gjithë rrjeti i gazetës.

Një zëdhënës i New York Times-it po ashtu ka thënë se sistemet e brendshme nuk janë prekur.

Televizioni CNN ka raportuar i pari për këtë veprim dhe ka thënë se ndërhyrjet në gazetë datojnë me muaj.

Nuk është e qartë se cili mund të jetë motivi i sulmeve kibernetike. /REL/