Auto&Tech

Google Chrome mbush 10 vjet, ndryshon pamjen

Google Chrome mbush 10 vjet, ndryshon pamjen
05 shtator 2018 • 08 : 37

Lexo detajet

Google sot lançoi Chrome 69 për Windows, Mac, Linux, Android dhe iOS vetëm pak ditë pasi shfletuesi mbushi 10 vjetorin.

Ky debutimi sjell me vete një dizajn të ri, një omnibox më të fuqishëm, një menaxhues fjalëkalimesh të përditësuar, disa funksione të reja për zhvilluesit dhe përmirësime të sigurisë.

Ju mund të përditësoni në versionin më të fundit direkt nga shfletuesi ose ta shkarkoni nga google.com/chrome.

Me mbi 1 miliard përdorues, shfletuesi është shndërruar në një platformë joshëse për zhvilluesit.

Me ndryshimet e vazhdueshme në Chrome, zhvilluesit duhet të jenë gjithnjë të azhornuar.

Pamja e re e Chrome, quajtur Material 2, përmban forma më të rrumbullakët, ikona të përditësuar dhe një paletë të re ngjyrash.

Menunë dhe njoftimet janë thjeshtuar ndërsa tabet kanë formë të cilat nxjerrin në pah ikonën e faqeve.

Shiriti i kërkimit, Omnibox, tashmë jep informacion pa hapur një tab të ri si përshembull parashikimi i motit dhe përkthimi nga një gjuhë e huaj.

Me Chrome 69 Google vijon luftën me sajtet HTTP. Prej disa vitesh kompania ka inkurajuar faqet të kalojnë në HTTPS, të paktën që nga Chrome 56 në Janar të 2017-ës.

Në Korrik sajtet HTTP cilësoheshin të pasigurta ndërsa që nga Chrome 69 etiketat “Secure” do të hiqet edhe nga faqet HTTPS.

Ideja është që HTTP të etiketohet i pasigurtë ndërsa HTTPS jo më si risi shtesë por si standardi i ri i uebit. /PCWorld Albanian

© zëri.info