Auto&Tech

Google shpërblen adoleshentin nga Uruguai me 36,000 dollarë

Google shpërblen adoleshentin nga Uruguai me 36,000 dollarë
29 maj 2018 • 23 : 49

Lexo detajet


Ezequiel Pereira pak ditë përpara se të mbushte 17 vjeç u shpërblye nga Google për herë të parë pasi ekspozoi një problem sigurie.

Pereira mori kompjuterin e tij të parë kur ishte 10 vjeç dhe kur u bë 11 vjeç mësoi disa lloje gjuhësh programimi.

Në 2016-ën Google e mori në zyrat qendrore në Kaliforni kur fitoi një konkurs.

Përpjekjet e tij u shpërblyen më në fund ku Google i dha adoleshentit nga Uruguaj plot 36,337 dollarë për zbulimin e një problemi sigurie.

Edhe pse problemi u raportua nga ana e tij në fillim të vitit vetëm këtë javë u lejua ta publikonte pasi Google e kishte zgjidhur.

Shpërblimin e dytë më të madh e mori në Korrik prej 10,000 dollarësh.

Është Google që përcakton pagesën që duhet kryer në rast zbulimi të problemeve të sigurisë në varësi të impaktit të tyre. Vitin e kaluar shpërbleu 274 hulumtues me 2.9 milion dollarë.

Shpërblimi më i madh ishte 112,500 dollarë. /PCWorld Albanian

© zëri.info