'Gjirafa' shpërndan 60 mijë euro dhurata për klientët e saj besnikë

Auto&Tech November 09, 2017 - 19:46

Gjirafa për një vjetorin e Gjirafa50.com shpërndan 60 mijë euro vlerë dhurata për të gjithë klientët e saj që gjatë vitit të parë të kompanisë kanë blerë përmes gjirafa50.com produkte teknologjike për t’i përmbushur nevojat e tyre.

Gjirafa, kompania më e madhe kosovare e teknologjisë, pjesë e së cilës është platforma e blerjes online për produkte të teknologjisë Gjirafa50.com, me rastin e ditëlindjes së parë të Gjirafa50 do të shpërndajë dhurata në vlerë të 60 mijë euro për të gjithë konsumatorët e saj.

Kjo është mënyra se si kompania ka vendosur që t’i shpërblejë konsumatorët e saj për besnikërinë dhe përkrahjen që ata kanë treguar në vitin e parë të operimeve.

Shpërblimi që Gjirafa do të shpërndaj janë abonime në pakon Premium të gjirafaVideo deri në fund të vitit 2017.

Kjo pako përfshin shikim pa ndërprerje të reklamave të videove, asistencë ndihmëse nga stafi i Gjirafa dhe lajmërime për zbritje dhe arritje të mallrave të reja në Gjirafa50.com.

Në gjirafaVideo konsumatorët do të mund të gjejnë disa prej serialeve televizive si “Milioneri”, “Lsho n’Ler”, “Beso në Mua”, si dhe video nga mediume të ndryshme si “Telegrafi”, “Zëri”, “Koha”, “Magazina.al”, “TV Dukagjini” etj.

Kjo vazhdimësi e kujdesit ndaj konsumatorëve po cakton një tjetër standard në kujdesin ndaj konsumatorit dhe përgjegjësinë e kompanive ndaj konsumatorëve të tyre në tregun tonë.

Gjithashtu, si pjesë e kësaj ditëlindjeje, Gjirafa50 organizon edhe një lojë shpërblyese përmes rrjetit Instagram, përmes së cilës dhuron një Laptop Lenovo Yoga.

Fituesi i lojës do të zgjedhet në mënyrë të rëndomtë nga të gjitha urimet që do të vijnë për ditëlindjen e tyre, të cilat duhet të jenë të shënjuara me hashtag-un #50urime. Loja shpërblyese zgjatë vetëm një ditë.

Gjirafa50 brenda vitit është bërë kompania numër një e shitjes së teknologjisë online, duke ofruar produkte më të fundit, kualitative, origjinale, dhe me grunion për tregun kosovar.

E gjitha kjo, përmes një platforme online, me dërgesa të shpejta, dhe kujdesin për klientët e saj.

Gjirafa50.com – një vit bashkë me ju.