WhatsApp po bën një ndryshim që mund të jetë shqetësues

Auto&Tech September 10, 2017 - 21:34

WhatsApp ka vendosur t’i nënshtrohet një ndryshimi të madh.

Aplikacioni i mesazheve, i cili është në pronësi të Facebook, po paraqet një sërë veçorish të reja të projektuara për ta ndihmuar atë të fitojë para.

Kompania është duke e bërë më të lehtë për bizneset dhe përdoruesit e rregullt të komunikojnë në platformë dhe thonë se njerëzit do të jenë në gjendje të bëjnë porosi në WhatsApp dhe të marrin edhe përditësime nga kompanitë përmes tij.

Është nisur testimi i mjeteve në aplikacionin WhatsApp Business, i cili është ndërtuar për kompanitë e vogla dhe gjithashtu thotë se po punon për “një zgjidhje për sipërmarrjet, për kompanitë më të mëdha që veprojnë në një shkallë të gjerë me një bazë globale konsumatorësh”.

Aplikacioni WhatsApp Business është aktualisht  falas, por kompania i ka thënë Wall Street Journal se synon ta bëjë me pagesë për bizneset “në të ardhmen”. / Bota.al