Audi RS5 Coupe, edhe më i shpejtë se sa që thotë prodhuesi! – (Foto – Video)
Kompania Audi kohë më parë ka prezantuar modelin e ri RS5 Coupe, ndërsa njeriu kryesor i zhvillimit teknik të repartit Audi Sport, ka zbuluar se vetura e tyre lëviz më shpejtë se sa që ishte thënë në fillim, transmeton Zeri.info.
Gjatë një bisede me mediat botërore, drejtori i kompanisë Stiven Reil, ka deklaruar se pohimet se modeli i tyre më i ri e arrin shpejtësinë prej 100 km/h për 3.9 sekonda, është paksa konservativ.
“Unë jam në këtë biznes tashmë 20 vite, ndërsa të gjitha veturat në të cilat kam punuar kanë marri shifrat e performancave disi gabim dhe kanë rrjedh në publik disi të mjegulluara, prandaj e njëjta ka ndodhur edhe me modelin tonë të ri RS5”, ka thënë ai.
Ai ka dashur të tregoj se ky model shpejtësinë prej 100 km/h e arrin për vetëm 3.7 sekonda në kushte ideale. Ky model posedon motorin benzinë Twin-Turbo V6 TFSI me vëllim 2.9 litra i cili zhvillon 450 kuaj fuqi dhe moment rrotullimi prej 600 Nm.
Këto karakteristika i mundësojnë këtij modeli të kap shpejtësinë maksimale prej 280 km/h./ZERI
