Facebook hap faqen sekrete, të lidh me ata që s'i ke shokë

Bëhet fjalë për një faqe dytësore e cila është duke u testuar në versionin beta në Android, por disa përdorues kanë raportuar se po vërejnë ndryshimin edhe në iOS.

Në përditësimin e fundit, faqja e rregullt e të rejave mbetet si faqja kryesore dhe versioni i ri është nën kategorinë “Explore”.

Në thelb, kjo faqe është një kombinim fotosh, videosh dhe artikujsh bazuar në pëlqimet dhe interesat e përdoruesit sipas faqeve që ai i ka pëlqyer.

Kjo faqe e dytë është një mënyrë për t’i lidhur përdoruesit me faqet dhe njerëzit që nuk i kanë shokë në Facebook.