Bajrami: Do Zoti që Qeveria të mos i ketë votat për ratifikimin e Demarkacionit
Në Info Magazine të Klan Kosovës e ftuar është shefja e grupit parlamentar të Nismës për Kosovën, Valdete Bajrami.
Me Bajramin është duke u diskutuar rreth aktualitetit politik, demarkacionit me Malin e Zi si dhe kthimin e partisë së saj dhe AAK-së në Kuvend.
Bajrami ka folur për iniciativën e Shpejtim Bulliqit për të mbledhur nënshkrime për të hapur debatin për Demarkacionin me Malin e Zi.
“Iniciativa e z.Bulliqit është e mirëseardhur. Nuk është duke u marrë seriozisht puna e debatit në lidhje me Demarkacionin”.
“Kryetari i Kuvendit ka kërkuar 20 nënshkrime, kurse nënkryetari ka dalë dhe ka thënë se çka duhen këto nënshkrime”.
LEXO EDHE: LDK në mbledhje urgjente
Sipas saj, Kuvendi është e interesuar që të kalojë pikën e Demarkacionit pa debat.
“E kemi Murat Mehën i cili është zhdukur diku dhe nuk po duket qe sa”.
“Ne si Nisma për Kosovën përkrahim nisëm e Shpejtim Bulliqit”.
Ajo është shprehur se funksionimi i Qeverisë ka shkuar në mënyrë të fshehur.
“Kjo nuk është një ratifikim i thjeshtë pasi do ta cungojë vendin me territor”.
Shefja e grupit parlamentar të Nisma për Kosovën ka deklaruar se Qeveria nuk i ka numrat për ratifikimin e Demarkacionit me Malin e Zi.
“Qeveria nuk i ka votat pasi po t’i kishin kjo punë do të kryhej tash e nëntë muaj.”
“Do Zoti e të mos i kenë numrat për ta ratifikuar këtë marrëveshje.”
