Situata konfuze juridike e EULEX-it i kushton shumë Kosovës
EULEX-i ka shtyrë të gjitha seancat gjyqësore të parapara për shqyrtim sot dhe nesër për shkak se janë pa mandat.
Njëjtë ka ndodhur edhe me seancën për hetim të veçantë ndaj personave të dyshuar në grupin e rastit të njohur si "Azem Syla".
Kjo seance ishte parapare të mbahej sot me ora 9:30, por është shtyre për shkak se Eulex nuk ka më mandat.
Avokati mbrojtës Arianit Koci ka thënë për ‘Zeri’, se gjyqtarët e Eulex-it prej sot nuk kanë mandat që të gjykojnë në Kosovë, prandaj edhe të gjitha gjykimet ku gjykojnë të njëjti janë shtyer për këtë javë.
“Kjo situatë konfuze juridike, i kushton shumë Kosovës, e me se shumti te pandehurve.
Zvarritja e tillë e gjykimeve është në kundërshtim me Konventën e Evropiane për te Drejtat e Njeriut, ku shprehimisht theksohet që të pandehurit kanë të drejtë në gjykim të drejtë dhe në kohë të arsyeshme”, ka thënë Koci për ‘zëri.info’.
