Lleposava dhe Afërdita, banore të barakave në kampusin e UP-së, duan të mbesin fqinje edhe pas zhvendosjes nga aty

Lleposava dhe Afërdita, banore të barakave në kampusin e UP-së, duan të mbesin fqinje edhe pas zhvendosjes nga aty

Aktuale December 29, 2020 - 22:22

Lleposava Stojanoviq dhe Afërdita Bojniku, do t’i presin festat e fundvitit në barakat që gjenden në kampusin e Universitetit të Prishtinës, të cilat është dashur të shemben në fillim të dhjetorit. Në atë zonë do të ndërtohet parkingu nëntokësor.

Në hapësirën e kampusit të Universitetit të Prishtinës, që gjendet në qendër të kryeqytetit të Kosovës, jetojnë 14 familje, shqiptare dhe serbe, në baraka, shumicës e të cilave i kanë marrë për shfrytëzim nga Qendra e Studentëve rreth 50 vjet më parë.

Parkingu nëntokësor në qendër të Prishtinës po ndërtohet nga komuna dhe është planifikuar të përfundojë deri në fund të vitit të ardhshëm. Sipas projektit, parkingu do shtrihet mbi 23.000 metra katrorë me rreth 700 hapësira parkimi.

Kjo është arsyeja pse autoritetet lokale u kërkuan qiramarrësve të barakave, të cilët janë të vendosur në vendin ku po ndërtohet parkimi, të largohen deri në 1 dhjetor. Por, kjo ende nuk ka ndodhur për shkak se ende nuk është gjetur një zgjidhje për strehimin e këtyre familjeve, ndonëse punimet për ndërtimin e parkingut kanë vazhduar.

Shkrimin e plotë mund ta gjeni KËTU