Rregullohet shtegu për vrapim në Taukbahqe
Aktuale
November 19, 2018 - 19:47
Lexo Detajet
Pas kërkesave të shumta të klubeve sportive për një shteg për vrapim në lagjen Taukbahqe Komuna e Prishtinës njofton se Drejtoria për Sport në një afat shumë të shkurtë e ka përfunduar shtegun për vrapim të balancuar.
“Një intervenim i vogël por shumë domethënës për sportin dhe sportistët. Mbetemi të përkushtuar për ngritjen e cilësisë dhe krijimin e kushteve sa më të mira të infrastrukturës sportive në Kryeqytet”, thuhet në njoftimin e kësaj Komune.
Kjo zonë si dhe zona e Gërmisë janë më të frekuentuarat nga qytetarët për rekreacion.
Qytetarët tash e sa kohë janë ankuar edhe për ndriqimin në këtë zonë.