Pacolli e demanton se ka qenë mbrëmë me Haradinajn e Thaçin
Ministri i Jashtëm, Behgjet Pacolli, e ka demantuar lajmin se ka qenë mbrëmë në darkë me Thaçin e Haradinajn, shkruan zeri.info.
Pacolli përmes një postimi në Facebook ka thënë se mbrëmë ishte në darkë me miqtë e tij në shtëpinë e tij.
Ai i ka quajtur spekulime që tregojnë nivelin e ulët gazetaresk dhe kërkoi kërkimfalje.
Ja postimi i plotë:
Po e lexoj një lajm të rrejshëm që po qarkullon nëpêr mediat tona. Mbrëmë unë kam pasur një darke me miqtë e mi, në shtëpinë time dhe si nikoqir më takon të bëj një demantim të fuqishëm për një gënjeshtër të këtillë. Rëndom, spekulimet qe lëndojnë privatësinë e njeriut nuk janë më interesante por tregojnë nivelin e ulët gazetaresk dhe janë të pabesushme. Shpresoj që gazeta në fjalë, me kërkim falje terheq këtë shkrim.
