Angela Merkel i shkruan Haradinajt

Aktuale November 09, 2018 - 12:29
Lexo detajet!

Kryeministri Ramush Haradinaj ka njoftuar sot se ka marrë letër nga kancelarja gjermane Angela Merkel, e cila i ka dhënë mbështetje për anëtarësim në INTERPOL.

Haradinaj ka publikuar në Facebook letrën e marrë nga kancelarja Merkel, përmes ambasadorit gjerman në Prishtinë, Christian Heldt.

Merkel i ka ofruar Kosovës përkrahje në anëtarësimin e saj në organizata ndërkombëtare, duke filluar nga Interpoli, kur Kosova synon të pranohen më 20 nëntor të këtij viti kur edhe mbahet Asambleja e Përgjithshme e INTERPOL-it. 

Shkrimi i Haradinajt dhe letra e kancelares Merkel:

Gjermania mbështetë fuqishëm anëtarësimin e Kosovës në Interpol!

Këtë e konfirmon letra nga Kancelarja Angela Merkel, të cilën e pranova sot përmes ambasadorit Christian Heldt. Mbështetja e fuqishme e Gjermanisë mike për anëtarësimin e Kosovës në Interpol vjen në një moment kyç për konsolidimin ndërkombëtar të vendit tonë.

Kancelarja Merkel vë në pah se ky akt do ta fuqizojë integrimin e Republikës së Kosovës në bashkësinë ndërkombëtare, dhe është në shërbim të përmirësimit të bashkëpunimit në fushën e sigurisë dhe hetimit të krimit transnacional. Thellësisht mirënjohës Kancelares Merkel dhe shtetit gjerman për mbështetjen e vazhdueshme. 

Image 
Image