Jashari: Ushtria e Kosovës, jetësim i amanetit të shumë gjeneratave
Kryetari i Komunës së Skenderajt njëherësh djali i dëshmorit legjendar Hamëz Jashari ka uruar Kosovën për kalimin në leximin e parë të tri projektligjeve për shndërrimin e FSK-së në ushtri, raporton “Zëri.info”.
Jashari këtë gjë e ka konsideruar jetësim të amanetit të shumë gjeneratave.
LEXO EDHE: Pacolli: Serbia propagandoi sot, ushtria do të themelohet
“Gjaku i derdhur i shumë heronjve të Ushtrisë Çlirimtare të Kosovës, sakrifica shumëvjeçare, angazhimi i secilit të kontribuojë në shtet-ndërtimin e Kosovës, si dhe mbështetja e miqve tanë ndërkombëtarë, u finalizuan me votim në Parlamentin e Kosovës, për Ushtrinë e Kosovës. Jetësim i amanetit të shumë gjeneratave! Urime të gjithëve!”, ka shkruar Jashari në profilin zyrtar në “Facebook”. /ZËRI