Vuçiq kërkon nga Austria të mos e përkrah Kosovën në INTERPOL

“Është një nder i madh për ne që ju sot gjendeni për vizitë në Serbi”, tha presidenti i Serbisë, Aleksandar Vuçiq pas bisedimeve me homologun e tij austriak Alexander Van der Belen, transmeton “Zëri.info”.

“Presidenti austriak Van der Belen ka thënë se BE-ja ka problemet e saj, dhe se kjo nuk është diçka e re, por një nga kushtet për Serbinë është për të zgjidhur problemet e tyre me shqiptarët, për t'u bërë pjesë e BE-së”, tha pas takimit presidenti serb, raporton portali serb Blic.

Ai gjithashtu tha se Serbia duhet të kuptojë se një pjesë e rëndësishme e botës ka njohur pavarësinë e Kosovës dhe se nuk është sekret që Serbia nuk mund ta mbështesë atë.

“Kemi kërkuar nga presidenti i Austrisë që Vjena zyrtare të përmbahet dhe të përpiqet për të pritur për mundësitë eventuale për kompromis në lidhje me Kosovën, kryesisht në drejtim të pranimit eventual të Kosovës në INTERPOL, sepse kjo do të thotë hapjen e së paku dy probleme të rëndësishme”, tha presidenti serb.

E para është se shqiptarët nuk do të duan më të bisedojnë për asgjë, por ata vetëm do të presin për hapin tjetër, OSBE-në dhe OKB-në.

Ai tha se hyrja e Kosovës në Interpol do të çonte në një rritje të numrit të urdhër-arresteve për 5,000 serbë, pjesëmarrës në konfliktin e vitit 1999./Zeri