Aktuale

Deputet i Thacit apo Kadri Veselit, kjo është përgjigja e Mërgim Lushtakut

Deputet i Thacit apo Kadri Veselit, kjo është përgjigja e Mërgim Lushtakut
11 tetor 2018 • 18 : 30

Lexo lajmet e fundit nga vendi!

Deputeti i PDK-së, Mërgim Lushtaku, në emisionin Frontal në Televizionin T7, ka thënë se zgjedhjet në PDK do ta forcojnë këtë parti dhe se në zgjedhjet e reja në vend Kadri Veseli do të jetë Kryeministër i Kosovës. I pyetur se a është deputet i Hashim Thaçit, ai ka thënë se është deputet i PDK’së dhe qytetarëve të cilët e kanë votuar.

Lushtaku i ka komentuar zhvillimet e fundit në mes të presidentit të Kosovës Hashim Thaçi dhe kryeministrit Ramush Haradinaj, të cilët së fundmi kanë dalë me deklarata kundër njëri-tjetrit.

Thaçi kishte thënë për Haradinajn se “nëse nuk korrigjohet mund të ndërrohet”, ndërsa Haradinaj kësaj i është përgjigjur se “Thaçi edhe mund ta ndërrojë sepse i ka votat e PDK’së”.

I pyetur për këtë, Lushtaku ka thënë se nuk është deputet i Thaçit, por deputet i qytetarëve të Kosovës të cilët e kanë votuar.

“Unë jam deputet i PDK’së, ku kryetar është Kadri Veseli, jam deputet i qytetarëve të cilët më kanë votuar. Duke e njohur karakterin e Thaçit them se ai nuk e ka për qëllim që t’i prish institucionet e vendit por që t’i funksionalizojë ato”, është shprehur Lushtaku.


Lexo më shumë në: https://www.gazetaexpress.com/lajme/deputet-i-thacit-apo-kadri-veselit-kjo-eshte-pergjigja-e-mergim-lushtakut-584346/?utm_source=referral&utm_medium=web&utm_campaign=copyright

© zëri.info