Shesheli tregon pse nuk guxon të blejë shtëpi në Prizren

Lideri i Partisë Radikale të Serbisë, Vojisllav Sheshel, është i njohur me angazhimet e tij për kthimin e forcave të serbe të Sigurisë në Kosovë.

Para një jave kishte thënë se Serbia duhet të ketë gjithmonë në gjendje gatishmërie një njësit prej 1000 personash për të ndërhyrë në raste krize në Kosovë.

Gjatë këtij viti, Shehel e ka blerë një shtëpi në Hërtkovci, Vojvodinë, nga ku ai akuzohet të ketë dëbuar kroatë që jetonin në këtë fshat. Këtë shtëpi ai tash e ka shndërruar në seli të partisë që e udhëheq.

LEXO EDHE: Veseli: Çdo gjë e madhe që është bërë në Kosovë, ka vulën e PDK-së

Gazeta e Beogradit “telegraf.rs” e ka pyetur sot pse nuk shkon edhe në Kosovë për ta blerë një shtëpi në Prizren.

“Nuk mund ta blejë shtëpinë në Prizren, sepse ushtria dhe policia jonë nuk e kontrollojnë atë pjesë të territorit. Unë si qytetar i Serbisë nuk mund ta bëjë këtë sepse nuk do të më garantohet siguria. Nga ana tjetër, është e mundshme që të blej shtëpi në Preshevë”, është përgjigjur Sheshel.