Çollaku: Asnjëra palë nuk prezanton temë të njëanshme në Bruksel
Bekim Çollaku, këshilltar i presidentit Hashim Thaçi, konsideron se secili veprim i zhvilluar në tryezën e bisedimeve në kuadër të dialogut Kosovë- Serbi, është i analizuar dhe hulumtuar mirë.
Derisa ka diskutuar çështjen e dialogut mes Prishtinës dhe Beogradit zyrtar, Çollaku në Zona B theksoi se procesi i dialogut ka qenë i domosdoshëm për të eliminuar disa skenare të rrezikshme për vendin.
LEXO EDHE: 'Lufta' Thaçi-Haradinaj, vjen reagimi i radhës nga AAK-ja
”Në dialog asnjëra palë nuk mund të shtrojë një temë një anshëm pa harmonizimin e palëve të tjera”, ka thënë Çollaku.
”Nëse kthejmë kokën prapa dhe shikojmë arritjen e marrëveshjes së vitit 2013, tani mund të themi se ky proces i dialogut ka qenë i domosdoshëm”, ka thënë ai.
”Në këtë takim ka pasur mospajtime, por qëndrimi ka qenë shtetëror”, ka shtuar tutje ai.
”Kosova është e gatshme dhe mbetet e përkushtuar për të arritur një marrëveshje përfundimtare dhe obligative”.
”Qasja gjithnjë ka qenë shtetërore dhe divergjenca ka qenë simbolike”.
