Daçiq: Burgu në Hagë pret të akuzuarit e Gjykatës Speciale në Kosovë

Ivica Daçiq ka deklaruar se burgu në Scheveningen të Hagës është duke u bërë gati për të akuzuarit e parë të Gjykatës Speciale në Kosovë.

Ministri i Punëve të Jashtme të Serbisë, Ivica Daçiq ka deklaruar se burgu në Scheveningen të Hagës është duke u bërë gati për të akuzuarit e parë të Gjykatës Speciale për sipas tij, krime lufte nga Ushtria Çlirimtare e Kosovës ndaj serbëve në Kosovë.

LEXO EDHE: Mediat serbe: KFOR-i ishte në dijeni për vizitën e Thaçit tek Liqeni i Ujmanit

Ai për “Veçernje Novosti” ka deklaruar se “një kat i burgut është bosh” duke pritur të akuzuarit, transmeton “lajmi.net”.

“Besoj se ky informacion është paralajmërim për drejtësinë përfundimtare për të gjithë ata serbë dhe të vuajturit e tjerë të terroristëve të UÇK-së, tani në funksion në detyra të larta politike në Kosovë e Metohi”, deklaroi Daçiq.