Ngjarjet e fundit në veri të Kosovës, Rusia i përgjigjet kërkesës së Vuçiqit për ndihmë

Vizita e djeshme e presidentit të Kosovës, Hashim Thaçi, në Ujman, ka acaruar presidentin serb, Aleksander Vuçiq.

I njëjti lidhur me zhvillimet e fundit ka thënë se do të kërkojë edhe ndihmën e Rusisë, transmeton lajmi.net.

“E kemi njoftuar ambasadorin rus, sikurse atë të SHBA-së dhe të tjerët për situatën. Brenda dy ditësh, do të takohem me Presidentin Putin dhe do të flasë për të për të gjitha çështjet me rëndësi”, ka thënë Vuçiq.

LEXO EDHE: Jovanoviq: Me çdo kusht paqe me Kosovën

E i shpejtë ka qenë reagimi i Moskës ndaj kësaj kërkese të presidentit serb.

Sekretari për media i presidencës ruse, Dmitry Peskov ka thënë se do të ishte deklaratë e nxituar të flitej nëse Moska do t’i dilte në ndihmë Serbisë ose jo.

“Fillimisht të kryhen bisedimet”, ka qenë përgjigja e shkurt e Peskov.

Theksojmë se pas reagimeve të palës serbe në lidhje me vizitën e presidentit Thaçi në Ujman, ka folur edhe kryeministri i vendit Ramush Haradinaj.

Ai ka thënë se një vizitë e tillë është normale dhe se presidenti i vendit ka vepruar konform ligjit.