Haradinaj ‘godet’ Thaçin me deklaratën e fundit për kufijtë
I pari i qeverisë, Ramush Haradinaj pas mbledhjes së qeverisë ka komentuar deklaratat e presidentit të vendit, Hashim Thaçi lidhur me ndryshimin e kufijve në mes të Kosovës dhe Serbisë, shkruan “Zëri.info”.
Ai në një koment para gazetarëve tha që të gjithë duhet ta mbrojnë kushtetutën e Kosovës e jo të flasin për kufijtë pa mandat.
LEXO EDHE: Thaçi: Marrëveshja me Serbinë mund të arrihet vetëm me kompromis
“Nuk besoj që më është referuar mua. Asnjëherë nuk besoj që më referohet mua në këtë temë. A e dini pse? Se unë mendoj që detyra e kryetarit të Qeverisë, e presidentit dhe e jonë, është që të mbrojmë kushtetutën, integritetin territorial dhe sovranitetin e vendit, dhe po ashtu nuk është e drejtë e jona që të flasim për territorin, për kufijtë pa mandate”, ka thënë ai. /ZËRI