Drecun: Kadri Veseli ka informata për vrasjen e Ivanoviqit

Aktuale September 16, 2018 - 11:26
'Godet' Veselin politikani serb

Sot bëhen saktësisht 8 muaj që nga dita kur u vra në Mitrovicën e Veriut, politikani serb Oliver Ivanoviq.

Deri më tani asnjë i dyshuar nuk është arrestuar, përkundër se hetimet po vazhdojnë.

Kryetari i Komisionit Parlamentar për Kosovën në Serbi, Milovan Drecun ka thënë sot se për vrasjen e Ivanoviqit ka informacione Kadri Veseli, transmeton Insajderi.

“Nga fillimi kam thënë se duhet të shohim çfarë informacione di Kadri Veseli për vrasjen, pasi ai është si figurë udhëheqëse në këtë zonë. Ai ka lidhje të mira me grupet e krimit në Mitrovicën e jugut dhe të veriut. Ishte edhe udhëheqës i SHIK-ut. Duke marrë parasysh të gjitha këto, ai duhet të ketë informacione”, tha Drecun.

LEXO EDHE: Serbia i fsheh detajet për korrigjimin e kufijve

Ai tutje ka akuzuar institucionet e Kosovës se nuk kanë bërë mjaftueshëm për ta zbardhur këtë vrasje.

“Ata janë përpjekur ta zhvendosin përgjegjësinë te Serbia. Megjithatë është e qartë se ishte përpjekje e gabuar”, deklaroi Drecun.