Haradinaj: Urime qytetarë të Kosovës!
Aktuale
September 13, 2018 - 12:35
Lexoni më shumë detaje
Pasi Parlamenti Evropian votoi për heqjen e vizave Kosovës, kreu i ekzekutivit, Ramush Haradinaj, përmes një postimi në profilin e tij zyrtar në rrjetin social “Facebook”, ka shkruar se së shpejti qytetarët e Kosovës së shpejti do të lëvizin lirshëm në Evropë, raporton “Zeri.info”.
Kujtojmë se 420 deputetë të Parlamentit Evropian kanë votuar për liberalizimin e vizave ndërsa 186 ishin kundër dhe 20 kanë abstenuar, raporton “Zeri.info”.
Postimi i plotë i Haradinajt pa ndërhyrje:
Urime qytetarë të Kosovës! Së shpejti do të lëvizni lirshëm në Europë.
Falënderues ndaj të gjithë deputetëve dhe grupeve parlamentare, të të gjitha partive e shteteve anëtare, që në Parlamentin Europian e mbështetën të drejtën tonë për lëvizje të lirë.