''Tema për korrigjim të kufijve është aventurë''

Kryetari i Iniciativës Qytetarë njëherësh ish-ministër për Komunitete dhe kthim në Qeverinë e Kosovës, Sllavisha Petkoviq, ka thënë se korrigjimi i kufijve do të shkaktonte kaos.

LEXO EDHE: Mustafa: Parlamenti i Kosovës duhet ta votojë rezolutën e dytë për çështjen e Luginës

‘Kjo është zgjidhja më e keqe sepse këtë s’do ta pranojnë as shqiptarët e Kosovës, e as serbët në Serbi. Ajo që Thaçi e Vuçiq flasin në Bruksel, është pa ndonjë peshë, kjo tregon se as Thaçi s’e ka mbështetjen e Kuvendit e as Vuçiq mbështetjen në Serbi’, tha Petkoviq në emisionin Info Magazine në Klan Kosova.

‘Kjo nuk do të kalonte, prandaj them kjo është një aventurë, një teatër. Kemi pasur takime edhe më herët në Bruksel, kemi pasur trenin, pastaj cirku me Gjuriqin, tani Vuçiqi në Mitrovicë dhe mos lejimi i tij për hyrje në Banjë, ne i njohim këto skenare, por ky i fundit është skenar i keq’.

‘Ata dy po luajnë edhe ata edhe BE, ata që i udhëheqin bisedimet, kjo është e pakuptimtë’.