Haradinaj: Opozita dhe Lista Serbe nuk po e votojnë Ekipin e Unitetit
Aktuale
September 05, 2018 - 17:54
Lexoni më shumë detaje
Kryeministri i Republikës së Kosovës, para pak çastesh ka lëshuar ndërtesën e Kuvendit të Kosovës, pasi seanca e paralajmëruar nuk ka filluar as në orën 16:00 si pasojë e mungesë së deputetëve të Listës Serbe.
Haradinaj në një prononcim për T7 ka thënë se vetëm opozita dhe Lista Serbe, nuk po e votojnë ekipin e unitetit që u propozua nga qeveria.
“Mirë do të ishte që opozita ta votonte. Opozita dhe Lista Serbe s’po e votojnë Ekipi i Unitetit”, ka thënë Haradinaj për T7.
Haradinaj nuk ka treguar se kur do të fillojë saktësisht seanca, por vetëm ka thënë që do të shtyhet përsëri.