Delawie arrin në Kuvend
Aktuale
September 04, 2018 - 09:21
Lexoni më shumë detaje
Kuvendi i Kosovës do të mblidhet sot në dy seanca të ndara, të jashtëzakonshme.
Seanca e parë është thirrur për në orën 9:00 dhe ajo mbahet me kërkesë të kryeministrit të Kosovës, në të cilët duhet të miratohet delegacioni i Qeverisë së Kosovës për dialog me Serbinë.
Mbledhja e dytë, po ashtu e jashtëzakonshme, e Kuvendit të Kosovës ishte thirrur për në orën dhjetë me kërkesë të opozitës në lidhje me dialogun për kufijtë.
E në këto mbledhje pritet që marrin pjesë edhe ambasadori i SHBA-së në Kosove, Greg Delawie.
Ambasadori i SHBA-së në Kosovë, Greg Delawie, tashmë ka hyrë në ambientet e Kuvendit të Kosovës ku pritet që të marrë pjesë në dy seancat e jashtëzakonshme. /Express/