Murati tregon se çfarë humb e çfarë fiton Kosova me shkëmbimin e territoreve
Lideri i Lëvizjes për Bashkim, Valon Murati përmes një postimi në “Facebook”, ka përmendur disa nga gjërat që Kosova mund të i fitojë por edhe disa të tjera që Kosova mund të i humb në rast të korrigjimit të kufijve me Serbinë, shkruan “Zëri.info”.
Sipas Muratit deklaratat se Kosova humb në rastin e ridefinimit të kufijve me Serbinë vetëm po shkaktojnë panik.
LEXO EDHE: Mogherini pret bisedime 'të vështira, por të mundura' mes Thaçit e Vuçiqit në Bruksel javën tjetër
Postimi i plotë i Muratit:
Po thonë me ridefinimin e kufijve, Kosova humb. Po shkaktojnë panik. Po përpiqen të tmerrojnë njerëzit. Po i dezinformojnë qëllimshëm.
Po çka humb Kosova me ridefinimin e kufijve:
– Humb të drejtën e vetos së serbëve për ndryshimin e Kushtetutës dhe ligjeve vitale, që e kanë bërë Kosovën shtet jofunksional (kujto bllokimin e ushtrisë);
– Humb mundësinë që të na instalohet asociacioni i komunave serbe në Kosovë;
– Humb mundësitë që vazhdimisht të destabilizohet Kosova nga pjesë që nuk është luajale me të.
– Humb mundësinë që në Kosovë të ketë në vazhdimësi tensione etnike, që mund të çojnë deri në konflikte të izoluara në të ardhmen.
E çka fiton Kosova:
– Fiton Kosovën Lindore
– Fiton funksionalitetin e shtetit
– Fiton sovranitetin e plotë.
– Fiton mundësinë që të fillojmë të merremi me problemet jetësore, ekonominë, sundimin e ligjit, luftimin e korrupsionit, arsim, shëndetësi, mirëqenien social etj.
– Fiton paqen e stabilitetin.
– Fiton mundësinë për të filluar për të vendosur raporte normale me Serbinë.
– Fiton mundësin për të vendosur për bashkimin me Shqipërinë, apo formën që mund të ketë ky bashkim. /ZËRI