LDK: Në shtator nisim mocionin për rrëzimin e Qeverisë

Sekretari i përgjithshëm i LDK-së, Ismet Beqiri, ka dhënë qëndrimin e LDK-së rreth idesë së presidentit Thaçi për bashkimin e Luginës së Preshevës dhe korrigjimin e kufijve.

Beqiri i ka quajtur lojë fjalësh idetë e presidentit, sepse sipas tij,  një gjë e tillë nuk mund të ndodh pa i dhënë tokë Serbisë.

LEXO EDHE: Për çfarë u takuan Kadri Veseli dhe Pacolli ditën e Bajramit?

LDK-ja paralajmëron se në shtator do të iniciojë mocion për shkarkimin e qeverisë dhe për këtë kërkon edhe mbështetjen e deputetëve të siç e thotë ai, të pakënaqur të koalicionit.

Kujtojmë se LDK-ja një gjë të tillë e ka paralajmëruar tash e një kohë të gjatë.

Pas dështimit të arritjes së konsensusit nga tryezat e përbashkëta, zyrtarë nga kjo parti kishin thënë se në shtator do të fillojnë me veprime konkrete në rrëzimin e Qeverisë.

Ata madje nuk e kanë përjashtuar as bojkotimin e votimit të projektligjeve që sillen në Kuvend.