Verë spanjolle e ‘Red Bull’ në darkën e Edita Tahirit
265 euro ka kushtuar një darkë e ish-zëvendëskryeministres, Edita Tahiri. Përveç ushqimeve, në faturën e darkës figurojnë verë spanjolle dhe ‘Red Bull’.
Në këtë darkë janë konsumuar edhe dy vera “Rioja Crianza’, e cila kushton 30 euro për copë. Veç sallatave të ndryshme si: shope, greke e të përzier, biftekut të viçit, kafe e desert, në faturën e kësaj darke ka edhe ‘Red Bull’.
Por, në këtë faturë janë edhe tri lloje uji që janë konsumuar: ‘Rugove’, ‘San Pelegrino’ dhe ‘Panna’.
LEXO EDHE: Kryetari i Preshevës: Jemi kundër shkëmbimit, edhe nëse mbesim nën Serbi
Në faturë ka edhe produkte si ‘kuzhina 12’, që kushton 12 euro, por nuk dihet se cili produkt është emëruar me këtë emër.
Gjithë fatura e datës 31 maj 2012, e lëshuar në orën 22:39 i ka kushtuar arkës së shtetit 265 euro.
Gjithsesi, restoranti “Rron” në Prishtinë ka faturuar 265 euro këtë drekë zyrtare, e cila është në emër të Edita Tahirit, po që nuk ka detaje se për kënd është shtruar ose kush kanë qenë mysafirët e ish-zëvendëskryeministres. /Kallxo.com/.
