Veseli pas humbjes tragjike të familjes nga Suhareka: Është një ditë e rëndë për të gjithë
Edhe kreu i Kuvendit të Kosovës, Kadri Veseli, u ka shprehur ngushëllime familjarëve të familjes 5 anëtarëshe që sot humbi jetën tragjikisht në një aksident në magjistralen Duhël-Suharekë, shkruan “Zeri.info”.
LEXO EDHE: Haradinaj u bën apel qytetarëve dhe Policisë për kujdes e siguri në trafik
Përmes një postimi në profilin e tij zyrtar në rrjetin social “Facebook”, Veseli ka shkruar se është lajm tejet i dhimbshëm humbje e jetës së pesë anëtarëve të familjes Sadikaj. /ZËRI/
Postimi i plotë i Veselit pa ndërhyrje:
Lajm tejet i dhimbshëm humbja e jetës së pesë anëtarëve të Familjes Sadikaj, në aksidentin tragjik të ndodhur sot në magjistralen Duhël-Suharekë.
Është një ditë e rëndë për të gjithë.
Ngushëllimet më të sinqerta për familjarët dhe të afërmit e tyre.