Thaçi: Të bashkuar mund ta bëjmë realitet anëtarësimin në BE, NATO dhe OKB
Presidenti i Kosovës, Hashim Thaçi, përsëri ka folur rreth takimit të sotëm në Bruksel, raporton “Zeri.info”.
Thaçi, në profilin e tij zyrtar në rrjetin social “Facebook”, ka shkruar se takimi i parë i fazës së fundit të procesit për normalizimin e marrëdhënieve ndërmjet Kosovës dhe Serbisë ishte i vështirë, por i domosdoshëm për tejkalimin e konfliktit shekullor.
“Me gjithë dallimet e mëdha, ne u pajtuam që t’i intensifikojmë takimet e përbashkëta në përpjekje për t’i zgjidhur njëherë e përgjithmonë çështjet e hapura ndërmjet dy shteteve tona”, ka shkruar ai, përcjell “Zeri.info”.
Sipas Thaçit, marrëveshja përfundimtare për normalizimin e plotë të raporteve Kosovë-Serbi është në interesin e dy vendeve, paqes dhe stabilitetit në rajon.
“Në këtë periudhë të rëndësishme për vendin, ne duhet të jemi të bashkuar, sepse vetëm kështu mund ta bëjmë realitet vizionin tonë për anëtarësimin e Kosovës në BE, NATO dhe OKB”, ka shkruar Thaçi, transmeton “Zeri.info”.
Kujtojmë se sot në Bruksel ka përfunduar takimi i parë i fazës finale të dialogut Kosovë-Serbi nën lehtësimin e Bashkimit Evropian. /ZËRI/
Postimi i plotë i Thaçit pa ndërhyrje:
Takimi i parë i fazës së fundit të procesit për normalizimin e marrëdhënieve ndërmjet Kosovës dhe Serbisë ishte i vështirë, por i domosdoshëm për tejkalimin e konfliktit shekullor.
Me gjithë dallimet e mëdha, ne u pajtuam që t’i intensifikojmë takimet e përbashkëta në përpjekje për t’i zgjidhur njëherë e përgjithmonë çështjet e hapura ndërmjet dy shteteve tona.
Marrëveshja përfundimtare për normalizimin e plotë të raporteve Kosovë-Serbi është në interesin e dy vendeve, paqes dhe stabilitetit në rajon.
Në këtë periudhë të rëndësishme për vendin, ne duhet të jemi të bashkuar, sepse vetëm kështu mund ta bëjmë realitet vizionin tonë për anëtarësimin e Kosovës në BE, NATO dhe OKB.