Konjufca ironizon me Thaçin, ja çka thotë
Shefi i Grupit paralementar të Lëvizjes Vetëvendosje, Glauk Konjufca në një tryezë ku po diskutohet për dialogun ka ironizuar me presidentin Thaçi, i cili përsëri edhe në këtë fazë do të udhëheq dialogun me Serbinë raporton "Zeri.info".
Ai tha se edhe nëse Thaçi do të ishte vetëm drejtor i një kompanie, përsëri do i udhëhiqte bisedimet.
LEXO EDHE: Krasniqi: Konsensusi për dialogun, vështirë i arritshëm
"Rreziku më i madh në shoqërinë tonë është që Hashim Thaçi po të bëhej drejtor i PTK-së, dhe kështu drejtori i PTK-së do i kishte udhëheq bisedimet", tha Konjufca.
Ai mes tjerash ripërsëriti qëndrimet e partisë së tij për dialogun duke sugjeruar që dialogu të ndërroj qasjen.
"Nëse ky dialog vazhdon kështu, rezultati ka me qenë shumë i keq. Duhet të i ndërrohet kahja e dialogut", theksoi Konjufca.
Konjufca tha se nëse dialogu vazhdon në këtë mënyrë do të krijohet autonomi e serbëve në Kosovë.
Mirëpo ai theksoi se një gjë të tillë Vetëvendosje nuk do e pranoj, dhe do e kundërshtoj me të gjitha forcat
"Vetëvendosje do të përdor të gjitha resurset e veta me qëllim që të ndaloj autonominë e serbëve në Kosovë", tha Konjufca./Zeri