Kryetari i Vushtrrisë telegram ngushëllimi familjes Haradinaj
Kryetari i ,komunës së Vushtrrisë, Xhafer Tahiri i ka dërguar një telegram ngushëllimi familjes Haradinaj me rastin e vdekjes së kryefamiljarit, Hilmi Haradinajt, shkruan “Zëri.info”.
Në emër të komunës, Tahiri në këtë telegram ngushëllimi ka shkruar se Haradinaj ka dhënë shumë për Kosovën.
LEXO EDHE: Krerët e shtetit ngushëllojnë familjen Haradinaj
Ja telegrami i plotë i tij:
I nderuari Kryeministër,
E nderuara Familje Haradinaj!
Me dhembje të madhe morëm lajmin për ndarjen nga jeta të Bacës Hilmi.
Baca Hilmi, përherë do të mbetet në mendjet dhe zemrat tona si njeri i urtë e fjalë pak, por atdhetar i madh, që dha shumë për Lirinë e Kosovës.
U prehesh në paqe Baca Hilmi!
I nderuari Kryeministër Haradinaj,
E nderuara Familje Haradinaj!
Ju lutem pranoni ngushëllimet tona të sinqerta!
Në emër të Komunës së Vushtrrisë
Xhafer Tahiri, kryetar. /ZERI
